租置公屋做髮廊擾民
房屋委員會自九八年起推出「租者置其屋」計劃，名為圓公屋租戶的業主夢，實則為推卸管理責任之舉。有租置屋邨已出售單位被發現遭改裝成髮廊兼美容屋，房屋署竟以「已出售單位」為由拒絕受理。關注團體斥房署不負責任，擔心房署撒手不管，將令資助房屋改作商業用途，「咁人人去買間租置屋做生意都得㗎啦？」
大埔富亨邨於一九九○年入伙，至今已近廿年歷史。亨泰樓居民陳先生表示，上址十四樓一已出售單位遭業主改裝成髮廊兼美容屋多時，開業後即吸引大量陌生人出入，擔心影響治安及居住環境，「呢度係公屋唔係商住大廈，啲設計根本冇預人做生意，況且佢咁平買咗個單位做樓上舖，即係變相濫用公共資源啦，咁都冇事嘅？」資料顯示，涉事單位於二○○○年由現時的業主以二十四萬五千二百元向房委會購入。
以低價招徠 門庭若市
記者以僱客身份、於上午十一時許進入涉事單位，發現內設閉路電視，門外情況一目了然。甫內進即發現面積大約五百呎的單位早已客滿，兩個睡房則改裝成為按摩室及美容室，設備如洗髮專用椅、焗髮機、按摩床等則與一般髮廊無異，提供的服務除電髮、恤髮、染髮、理髮外，同時亦提供美容及按摩服務。
「呢度唔使交租，係自置物業，啲嘢平過出面好多！」職員為記者洗頭期間，不斷推銷「美容套餐」及按摩服務，並取出小冊子及價目表力銷不同美容服務，包括美白、去斑等，套餐平均價錢超過一千元，記者表示需再作考慮時，職員又轉為推銷美容產品，指售價較坊間便宜，務求令記者「是但幫襯一樣」！
「人人買間做咪好着數？」
富亨邨管理處發言人承認，早前曾接獲相同投訴，已派員跟進調查，惟職員未有發現單位內放置或懸掛任何商業標誌或陳設，加上單位亦用作住宅，未有足夠證據顯示有違反大廈公契，現階段未能採取行動。
「就算唔入稟（法庭），房署代表咁有管理經驗，應該可以提出個好啲嘅解決方法，依家乜都唔理，係咪人人都可以買間租置屋去做生意，咁咪好着數？」立法會房屋事務委員會主席王國興認為，即使涉事單位已售出，惟因涉及公帑是否用得其所，房署有責任調查事件，甚至透過法律途徑迫令業主糾正。
公屋聯會主席王坤亦稱，即使單位已出售，房署仍可按相關法例檢控違規業主，「管理公司調查呢啲事會好多掣肘，既然係咁，房署應該搵人搜證啦！」
律師：可要求法團控告
對於已出售公屋改作商業用途涉違反地契一事，房屋署發言人重申，批地條款及大廈公契早有規條，無論業主是否已向政府補回地價，亦不得將單位用作商業用途。但發言人同時又強調，由於涉事單位屬「已出售單位」，只能將個案轉介管理公司處理。
法律界人士黃國桐指出，租置屋邨的管理權已移交業主立案法團，惟因房署仍屬屋邨的最大業主，絕對有能力在業主大會上要求立案法團控告違規業主，「房署刻意保留最大業權，就係想投票時可以話事，但真係有事又唔肯去做喎，呢個咪係房署囉！」
■記者 許紹基