政情：平叔窒雙曾「假關注」樓市

預算案喺遏抑炒風方面早已為人詬病，煲呔曾日前上電台又信誓旦旦話自己日日都關注樓價，若果有人為造市政府一定會作出跟進。不過呢啲花招畀平叔一語道破，佢反問既然預算案講明唔容許人為製造訊息混亂，甚至煲呔曾、鬍鬚曾都開晒聲，點解政府仲唔盡快做嘢？

特區政府嘅問題罄竹難書，意猶未盡嘅平叔仲對政府將官商民合作掛喺口邊睇唔過眼。事關平叔覺得商都係民，但係商竟然可以排喺民前面，而且政府期望工商界有企業良心，點解政府唔自己處理啲不公平現象呢？真係平叔發火、非同小可，佢講起政府，鬧得不知幾暢快。佢仲話香港叻在有自由，無論點鬧，佢份退休金依然係「袋袋平安」。