市建局主席張震遠上星期暗示，唔可以因為一套揚威柏林電影節嘅《歲月神偷》，就煞停永利街重建項目。言猶在耳，市建局尋日卻宣布保留三棟永利街唐樓，你話張震遠完全唔屈服於政治壓力，真係講都無人信。張震遠尋日喺記者會上，被問到有冇睇過《歲月神偷》，佢好肯定咁話：「無！」又話唔使睇部戲，都知道永利街值得保留，即係唔認自己輸咗畀套戲。到底張震遠係想呃香港人，定係呃自己？