政情：陳茂波行善出腦出力

突破機構成功申請喺五月廿二日搞全港賣旗活動籌款，希望籌備多啲經費助青少年自強，身兼突破賣旗籌款委員會顧問嘅阿Paul喺籌備階段出咗唔少力。不過阿Paul睇嚟對自己要求好高，雖然距離賣旗日仲有兩個幾月，阿Paul已經計劃緊賣旗當日盡量擠出時間，親身落區幫手賣埋一份，仲諗住搵埋老婆仔女一齊去，實行賣旗之餘順便過個「家庭日」。

其實今次已經唔係阿Paul第一次瞓身支持公益活動。佢話三年前有間慈善機構搞賣旗籌款，佢都係叫埋一家大細一齊做義工，仲搵十幾個公司員工幫手，體現「上下一心，其利斷金」嘅精神。不過一向內斂嘅阿Paul唔肯透露平時捐幾多錢畀慈善機構。