政情：林偉強：發叔唔知我心肝

新界鄉議局副主席林偉強涉嫌侵吞租金津貼事件愈鬧愈大，不過鄉議局主席劉皇發早前搵極都搵唔到林偉強，惟有透過記者傳話，希望林偉強出嚟澄清；至於林偉強係咪清白，發叔話好難講，事關知人口面不知心喎！尋日林偉強終於聽發叔話現身解釋，但佢指發叔嘅回應，反映發叔處事保守，仲埋怨發叔生仔唔知仔心肝，自嘆佢都唔明發叔性格。林偉強尋晚接受電台訪問時再解釋，可能當初發叔搵唔到佢先有啲激動，總之會視發叔嘅說話為激勵喎！