同是三十八歲的女被告曾卓詩及男被告楊惠明為夫妻關係，兩人昨日否認共四項盜竊罪名。他們被控於○七年二月十六日至六月五日期間，在中環摩羅上街裕利大廈地下的蒲公英金石書畫內偷竊三幅屬於西岸國際有限公司的油畫，女被告另被控在○四年至○五年間偷竊該公司七千餘元。
「幾幅畫當係酬勞」
控方昨播放男被告的警方會面影帶，警方質疑他曾偷取涉案三幅名畫，以及另外兩幅英國畫家Robert King的油畫，惟男被告解釋「係張五常叫我太太（女被告）做好多唔見得光嘅嘢，當係酬勞畀我太太，畀幾幅畫」，他又稱張五常做「老闆」，故此男被告與妻子商量後，才在店內拿取涉案三幅名畫到皇后大道中的畫廊兜售。
男被告又向警方解釋「唔見得光嘅嘢」是從女被告口中獲知：「張五常喺美國賣假古董，依家去咗大陸，返唔到香港」，故此曾有律師邀請女被告返內地，與張五常一起落口供作為庭上供詞，「張叫佢（女被告）講咩佢就講咩」，男被告形容他妻子其實知道真實情況。
運入內地冇報關
男被告續指，女被告曾表示將名畫運返內地時「冇報海關」，他亦目睹女被告到內地整個過程，男被告形容「去到關口冇人查車，幾個同車喺架貨車上大陸，我太太話『咁有錢唔報正關』，呢啲係我太太講，我冇參與」。
警方質疑男被告賣畫時不向買家提及張五常，男被告解釋：「我話係屋企人嘅，因為佢個名太敏感，張五常太出名，畀咗佢（女被告）又攞出去賣唔係咁好，唔好意思」，男被告續指「呢行啲人唔鍾意佢（張五常）」，男被告不諱言不認識張五常，只是見過兩次及曾握手。男被告表明沒有懷疑過女被告偷竊，又說「太太講幫佢（張五常）做咗幾嚴重嘅嘢」。
將申請終止聆訊
控辯雙方昨於庭上披露，張五常涉嫌在美國逃稅，即使連美國FBI亦未能聯絡張。辯方不諱言張才是涉案古董店的幕後老闆及擁有涉案名畫，由於未能聯絡張，令兩名被告未能獲得公平審訊，故待部分證人出庭作供後將申請永久終止聆訊。
控方則反駁指古董店與張無關，他只是顧問，由於張並非控方證人，故控方沒有義務替辯方找證人，今日將傳召涉案名畫的買家出庭作供。
案件編號：DCCC 868/2009