本身係顧問醫生嘅潘佩璆住喺粉嶺嘅低密度屋苑嘅最高層，即係二樓，八百二十呎單位窗明几淨，綠意盎然，養狗養龜，夏天一室蟬叫，好有鄉間野趣，窗台仲種咗一盆驅蚊草，話係天然驅蚊器喎。大家都羨慕潘佩璆有間咁清幽嘅屋，不過佢話，間屋喺九六年樓市高峰期買，價錢三百七十餘萬元，好快變成負資產，樓市近日升到癲，但粉嶺位處偏遠冇趁熱鬧，仲有成百萬至返到家鄉。

好彩潘醫生上年五月喺旺角買多咗一個四百呎單位，為嘅係方便喺周末同假期，同搬出市區嘅兩個兒子相聚，有個「行宮」過夜，而新單位短短半年已升值三十萬元，算係幫補番啲啦。