柴灣翠灣邨早前有數十棵種植近三十年的樹木突然被砍伐，令居民大感惋惜，其中在該邨居住逾廿年的黃女士更感受至深，「搬入嚟嗰陣仲係細細棵嘅樹苗，到依家生到兩個人都抱唔晒咁大，仲咁多棵一齊斬晒，真係好心痛！」黃不滿管理公司事前未諮詢居民即擅自砍伐樹木。
負責管理的港琛物業管理公司發言人指出，由於有關樹木的生長被指影響行人及附近港鐵列車安全，遂決定移除，而有關工程亦已獲業主立案法團批准。
不過，本身為翠灣邨業主立案法團成員的東區區議員古桂耀則稱，對數十棵樹木被一次過斬去更大為震驚，「法團係有傾過，但以為只係修少少，唔知會成棵斬晒咁嚴重！」
