三歲的凱盈精靈活潑，為家中獨女，甚得父母愛錫。廖太憶述，去年十一月中旬，凱盈因持續發燒，且出現氣喘及呼吸困難等徵狀，送往聯合醫院診治，並獲安排入住隔離病房，「當時醫生話囡囡可能係嘶哮症，要食特效藥，仲話等佢好啲就會同佢做抽血同抽鼻水化驗，點知第二日個醫生嚟望咗兩望，就話可以出院！」

儘管對出院安排有所疑惑，廖太仍信任醫生的專業判斷，未有提出反對；豈料，甫返抵家門僅約十五分鐘，凱盈的情況竟急轉直下，除呼吸困難、身體不斷搖晃外，暈倒後陷入昏迷狀態，須再召救護車送回聯合急症室，經搶救後終告不治。

甫抵家門 呼吸困難

「從來冇人同我哋講咩係嘶哮症？要點樣醫？點解囡囡仲未退燒就要佢出院？如果冇出院，佢就唔會腦缺氧救唔番！」廖氏夫婦至今仍無法接受女兒突然死亡的噩耗，更質疑院方出院安排失當，令凱盈枉死。廖先生更怒轟醫院草菅人命，矢言會追究到底，為女兒討回公道。

身兼全民監察醫管局召集人的兒科醫生馮宜亮解釋，嘶哮症的學名為「Croup」，乃上呼吸道受細菌或過濾性病毒感染，導致聲帶附近纖維腫脹，令患者呼吸時入氣困難，發出類似喘鳴的聲音，屬兒童常見疾病的一種。「通常都要留（院）幾日，要睇個病人呼吸係咪暢順番，仲要睇吓佢食嘢會唔會骾親，要好小心監察至得！」馮直言，嘶哮症的病情變化極大，倘呼吸困難可導致腦缺氧，嚴重患者更需留院觀察。

「醫院有儀器睇住」

對於醫院過早要求患者出院，馮宜亮亦質疑安排欠妥當，「個病變化得咁快，喺醫院可以有儀器睇住，呼吸唔到即時有醫護人員知道，唔會出現缺氧太耐嘅情況！」

聯合醫院發言人表示，上述個案已轉介死因裁判庭處理，並會就死因報告結果與病人家屬跟進。

■記者：梁少儀