立法會內務委員會聽日就會選出由邊位議員頂替辭咗職嘅黃毓民，出任中大校董。公文袋黨魁余若薇（Audrey）同「五散人」陳茂波（Paul）為呢個位爭持不下，尋日見到阿Paul有啲勞氣，原來係為咗呢單嘢。阿Paul話，中大學生會早前邀請佢同Audrey出席今日舉行嘅校董候選人論壇，但佢要出席西九會議去唔到。本來學生會答應可以改期舉行，但最後維持原判，事緣Audrey嗰日唔得閒喎。阿Paul話，兩個日子都係得一個候選人出席，學生會擺明遷就Audrey，有「大細超」之嫌。