林貝聿嘉率眾行貓步

婦協主席林貝聿嘉尋日帶領婦協核心成員行「貓步」進場，人人身披閃令令披肩，婀娜多姿。啲披肩由新移民婦女親手縫製，名太們以五位數字掃咗五十條以示支持，齊聲呼籲姊姊妹妹站起來。

林太致辭時預告婦協位於灣仔鵝頸橋底嘅「新竇」∣∣「香港婦協郭得勝服務中心」今年十月竣工，中心會引入陽光與海風，正到極！林太希望有天走出天橋底，為婦協爭取更靚會址。

玩具大王蔡志明太太、邱達昌夫人及全國政協委員蔣麗芸等都盛裝出席晚宴。去年妙語連珠嘅燊哥正養病中，只派千金到賀。燊哥叮囑阿女講幾句，祝婦女們虎虎生威，但推動婦女事務就咪馬馬虎虎，燊哥仲約定班闊太明年喺春茗上再會，引嚟現場如雷掌聲。