上周六大年初七，邱副現身中環港鐵站內嘅「健康工房」買外賣，當時大約係下午兩點鐘。原來邱副啱啱去荃灣出席完鄉議局新春團拜，之後坐港鐵返中環辦公室，咁啱中環港鐵站就有間「健康工房」，於是心思思想買碗龜苓膏潤吓喉兼下吓火。卓妮見佢望完一輪水牌後，柯打咗一碗土茯苓龜苓膏，盛惠三十二蚊。

「健康工房」係香港一家新式涼茶飲品公司，喺多個港鐵站開設分店售賣湯水及多款健康飲品，其中龜苓膏頗受歡迎。邱副話，每月至少幫襯幾次，因為龜苓膏味道芳香兼有益身體，佢特別鍾意龜苓膏嘅味道。邱副似乎幾buy中草藥，食龜苓膏之餘仲會飲吓涼茶，認真滋陰。