與陳寶珠同是七公主成員的薛家燕，現時身在新加坡，她獲悉陳媽媽猝死的噩耗後，大感驚訝，即時大叫：「好陰功！我唔可以接受。我同寶珠係結拜姐妹，所以佢阿媽即係我阿媽！……估唔到發生件咁嘅事，真係接受唔到。」

薛家燕冷靜過後稱，陳媽媽近年年紀漸大，身體有很多毛病，健康一直尚算良好。陳寶珠有空時亦有帶媽媽出街飲茶，但近期與友人出外食飯，已較少帶同媽媽，據說因擔心媽媽「易攰」。

胡楓：透過傳媒安慰寶珠

羅家英則表示很懷念陳媽媽，他說：「寶珠媽咪九十幾歲依然好開朗，近期仲有打太極，而我覺得佢唯一最厲害嘅地方，就係好識儲錢同埋幫寶珠買樓，係一個好媽咪，好懷念佢。」

曾與寶珠姐合作不少粵語長片的胡楓表示：「我當然識得佢媽咪，但就無乜接觸……佢都老喇！雖然我唔喺香港，但希望可以透過傳媒安慰寶珠。」