本文重點
【本報訊】「咁多年政府退稅、免電費、綜援出雙糧等等扶貧紓困措施，我哋呢啲幾無家庭統統無份，政府幾時先會幫吓我哋？」梁女士一家三口居於深水埗一百呎套房，每月只靠任職管理員的丈夫五千元薪金維持全家生活，支付一千七百元租金後，生活十分艱難。她對今次預算案又再被忽略感到非常失望，「好明顯政府就係留意唔到我哋，由得我哋自生自滅！」
盼幼稚園免學費
持雙程證來港的梁女士，一年來港多次照顧三歲的女兒，每次只能逗留三個月，申請單程證來港家庭團聚已三年，至今仍在輪候中，來港無期。「我唔做得嘢，想幫補吓屋企都唔得，依家一家三口都響度捱日子。」
坦言早對預算案無期望的她續說，丈夫寧願自食其力亦不願申領綜援，雖然租金包水費及電費，但生活仍然捉襟見肘，「我哋極少大魚大肉，但點慳都只會慳大人唔慳小朋友，佢一病就會帶佢睇醫生，我哋無咩大問題都係食成藥就算喇。」
女兒將於今年九月入讀幼稚園，她計劃報讀全日制幼稚園，希望獲得較高津貼資助。「我只希望小朋友第時返幼稚園可以全免學費，同埋快啲批間公屋畀我哋，等我哋唔使捱貴租。」
梁女士亦希望可盡快獲批單程證，以便照顧女兒之餘亦可找工作減輕丈夫負擔。