東區區議會主席丁毓珠尋日出席馬會一年一度嘅十八區盃，講起啱啱同班仔女、女婿去完新加坡返嚟。珠姐講到眉飛色舞，話新加坡比佢想像中多嘢玩，一家人唔單止去咗賭場玩番兩手，仲去埋水上樂園「消暑」添，依家新加坡仲有夜間動物園，夜晚去探動物，就唔怕曬親。

盧文端愛地道美食

咁啱得咁蹺，全國政協盧文端亦啱啱去完新加坡避寒，佢新年一拖三，請太太、外父同外母齊齊去新加坡玩足一個禮拜。盧文端話，好喜歡新加坡嘅地道美食，而佢哋嘅肉骨茶同串燒就更加食過翻尋味，仲話成個旅程氹得佢外父好開心添。盧文端已屆中年，佢咁有孝心身體力行請長輩去旅行，相信佢會長命百歲。佢嘅公子盧金榮同新抱尋日都好乖，陪佢入馬場睇馬。