上次巡查已是去年尾

對於賽車場發生意外，侯坦言：「呢個（賽車場）唔係我哋擁有㗎！我哋冇人成日踎喺度睇住佢哋㗎嘛！」他又解釋：「譬如交一班細路哥畀你，話唔准佢吸毒，你嘅責任係要教佢哋，唔可以話佢成日去街，你都跟住佢後面，畀人帶壞咗或者出事唔係責任嘅問題，你都防不勝防㗎嘛！」

香港小型賽車會隸屬於由國際汽車聯合會轄下的香港汽車會。據悉，賽車場○六年開業並無特別領取牌照，只向康文署、地政署及運輸署等部門申請豁免，其中一條件是不能開放予公眾，故賽車場要以會員制運作，會員要與場地簽生死狀。因此，該賽車場根本無政府部門專責監管，以致遇事後各部門卸責，出現監管混亂情況。

大律師陸偉雄指出，即使賽車場要求會員簽生死狀，列明安全責任自負，對任何損失、損傷及人命傷亡不負責任等免責條款，但死者家屬仍可以透過民事向賽車場追討賠償。他又指，十五歲少女簽合約或條款是否有法律約束力已成問題，而死者生前亦可能在不清楚條款的情況下簽字，另意外亦可能涉及車場職員疏忽，均可成為爭拗點。