「已經連續幾個月喇，次次洗親地都見佢哋（清潔工人）用消防喉，都唔知有冇搞錯？」居於屯門安定邨定龍樓的李先生稱，安定邨每座均設有洗地喉供承辦商使用，懷疑工人為貪一時之便，不惜鋌而走險以身試法，「佢哋點會唔知濫用消防設備係犯法吖，分分鐘仲會畀人告！好明顯係有人貪方便，但最大問題都係房署冇監管！」
事實上，安定邨並非唯一犯規屋邨，位於將軍澳的翠林邨雖屬租置屋邨，但清潔服務承辦商同樣被發現濫用消防喉。居民阿元（化名）早前途經安林樓擬取道天橋前往翠林商場時，發現清潔工人竟擅取安林樓消防喉，公然「拉喉」往天橋洗地，「咁樣犯法都得嘅？我已經即刻同房署投訴，佢哋（職員）竟然話租置屋唔關佢哋事。房署係最大業主，啲清潔工作房署都有份判出去，有乜理由一句話唔關佢哋事就算？」
房署發言人承認安定邨清潔服務承辦商有濫用消防喉「往績」，該署職員已不時提醒承辦商員工，不得擅用消防喉水源。發言人說，接獲本報轉介後，已再次訓示承辦商不得違規，並承諾該署職員將加強監督承辦商工作。
至於翠林邨方面，管業處發言人亦證實，早前曾發現清潔承辦商工人從消防喉取水洗地，已即時警告承辦商及其員工，並在消防喉出水口玻璃箱加上玻璃膠，事後再沒有發現同類事件。
用到殘 倘火警堪虞
立法會房屋事務委員會主席王國興直斥房署監管不力，而承辦商從消防喉取水洗地的行為更屬「無法無天」，等同置居民安危於不顧，「濫用消防喉洗地，容乜易畀佢哋整壞晒，如果真係火燭嗰陣點算？冇水救火邊個負責？」王認為房署及屋邨法團必須正視事件，確保居民利益與消防安全，「房署絕對唔可以輕視呢啲問題，最好係整份黑名單出嚟，成日犯規嘅承辦商應該永不錄用！」
最高罰款25000元
根據《水務設施條例》規定，任何人不得經由消防供水系統取水作滅火以外用途，倘觸犯條例，一經定罪，最高可被判罰款二萬五千元，並需繳付取水或轉駁用水費用。如屬持續罪行，更可就罪行持續期間每天另判罰款一千元。
資料來源：水務署網頁
■記者 許紹基