下個星期就係農曆新年，阿John話，今年新年無計劃外遊，因為留港節目多籮籮，主要包括「初一食齋，初三跑馬」，事關年初三係一年一度嘅賀歲馬，佢身為馬會主席，又點可以唔喺香港？至於年初一茹素習慣，原來係身為新會人嘅陳爸爸傳落嚟，阿John小時候就食媽媽煮嘅新年齋；成家立室後，媽咪將煮齋秘技傳授畀新抱，阿John太太笑言最拿手煮南乳羅漢齋，清清哋好開胃。

新年食齋係好多中國人嘅習慣，撇開其他唔講，茹素確實有助清腸胃，過年應酬多，難免進食太多肥膩嘢，趁新年食素，點計都對身體有益！