本文重點
醫學會前副會長史泰祖用七千幾蚊買機票去倫敦出席一場家長晚宴，只因晚宴地點特別吸引。史醫生囡囡喺牛津讀緊英國文學，校方喺Christ Church College搞新年家長晚宴，該處曾被用作拍攝多部經典電影，包括《哈利波特》嘅魔法學校霍格華茲學院，所以史醫生慕名起行。
盼華叔能返內地就醫
史醫生尋日以匯賢智庫理事身份出席記者會，佢話新年本來冇打算出門，點知阿女突然來電，話初八喺Christ Church College舉行家長晚宴，於是佢立即決定改變計劃。
講完阿女，史醫生將話題一轉，講起民主黨元老司徒華患末期肺癌，佢透露史爸爸十年前亦曾受肺癌折騰離世，對華叔遭遇特別感觸，近日從報章得知華叔有意接受中西醫治療，佢希望有關當局網開一面，發還回鄉證畀華叔，方便佢老人家返內地醫病。