工聯會會長鄭耀棠話過，要研究吓係咪要起訴公民黨同社民連兩黨用嘅「起義」口號，民主黨議員李永達問林D9有無研究過一啲同樣用過起義、革命做宣傳嘅機構，例如可口可樂就用過「靜靜起革命」嘅宣傳口號。

點知林D9今次走偏鋒，話自己近年怕肥，所以唔敢飲可樂，搞到有意刁難佢嘅高達唔知好嬲定好笑。其實「靜靜地靜靜地要起革命」呢個廣告，賣嘅唔係可樂而係玉泉，高達嘅問題其實問錯咗！

工聯會王國興要求林D9為兩黨賣廣告誤導市民而做「消毒解毒」工作，林D9繼續重複播帶，畀王國興鬧佢逃避問題。林D9答無可答，只能答解藥良方係《基本法》。林D9經常用《基本法》做佢嘅擋箭牌，最後都係《基本法》救咗佢。