本文重點
【本報訊】「生咗大仔之後脾氣好差，經常好小事就發脾氣打佢，好似佢無蓋好杯蓋就打得佢好勁，同佢關係好差。但打完佢之後我又會不停喊，好內疚，有時自己坐坐吓都會喊。有次過馬路紅燈就衝咗出去，好彩有人拉番我轉頭，自己都唔知做緊啲咩。」三十多歲的阿May育有兩子，九年前誕下第一胎後已出現產後抑鬱徵狀，怕被標籤患精神病，一直未有主動求醫。
易發脾氣 經常打仔
阿May憶述初期患病時情緒極不穩定，「脾氣好差，經常好小事就發脾氣打仔，由於經常打仔，與丈夫的關係亦變得緊張，雙方經常吵架。」但她一直未有求醫，病情最嚴重是幼子入讀幼稚園時，「大仔當時又要升小一，佢間學校啲功課好緊張，加上我個人又緊張，次次同佢做功課都嗌交。我又要幫丈夫處理文件工作，壓力好大。」
直至○七年，即患病後七年多，她帶同剛誕下的幼子到母嬰健康院檢查，醫生察覺她情緒低落，經由精神科護士協助轉介至精神科專科門診，阿May才正式求醫。阿May的病況現已好轉，除了用藥控制病情，醫生護士亦會與她傾談心事，教導她發脾氣前先深呼吸三次冷靜下來，她與丈夫、家人的關係亦得到重大改善。