31/01/2010

播放本新聞相關短片

政情：CY死撐禮賓府管治冇問題

平日好似守衞森嚴嘅禮賓府，早前畀一位家務員嘅「八十後」老友攻陷，令人質疑煲呔曾連自己間屋同辦公地方都管唔掂，點樣可以管治好香港。行政會議召集人梁振英（CY）尋日被問及有關問題時，強調事件唔存在會產生任何管治問題。CY做警察嘅爸爸以前都守過禮賓府前身港督府，仲帶過佢入去警崗後面嘅花園玩，當年港英政府亦唔見出現乜嘢管治危機，唔怪得CY可以咁老定。