工程師學會副會長朱沛坤昨指，出事樓宇建於五十年代，主要靠多條樑柱支撐，恰巧地舖正進行內部裝修工程，可能因裝修工人打斷部分主樑柱令樓宇倒塌，「裝修工人始終唔係專業工程師，可能唔識分邊度係主力牆，唔覺意打斷咗就冧樓！」他強調：「就算係舊樓，你唔郁佢佢唔會無喇喇自己冧。」

裝修工程「無王管」

朱沛坤形容現時裝修工程可謂「無王管」，「香港啲樓面積咁細，個個都話要拆牆，又唔知係咪結構牆，好容易出事」，他特別指出，在中環蘇豪區、銅鑼灣時代廣場一帶的「活化」唐樓情況尤為嚴重，因位處旺區，不少業主翻新單位內部成商舖食肆，卻隱藏危機。他說：「啲單位內籠變晒，今次拆呢度，下次拆嗰度，拆吓拆吓就面目全非」，故促請政府盡快監管裝修工程，若工程有結構性改動，需由專業工程師勘察，並向政府提交資料。

測量師學會建築測量組副主席何鉅業亦稱，事件反映小型工程監管制度十分重要，過往公眾不重視監管室內工程，但裝修時或損毀樓宇結構，學會將教育公眾，工程承建商質素也要監管。