民建聯新丁陳克勤將「褫奪」讀成「遞奪」，有邊讀邊，結果被身為前輩嘅立法會主席喺議事廳即時話唔啱，好不尷尬。立法會財務委員會經過連日會議，尋日終於通過六百幾億元廣深港高鐵撥款，主席劉慧卿喺會議臨近尾聲已出現疲態，ＥＱ（情緒智商）開始下降，面對泛民主派與建制派鬧交，更加皮質醇上升，不止一次叫大家唔好再「劍拔弩張」，但「弩」字讀音應為「魯」，卿姐似乎犯咗克勤仔嘅毛病，有邊讀邊，將「弩」字讀成「弓」，不斷喺直播緊嘅電視機前話「劍拔弓張」，但唔知係咪議員們趕住收工，冇人理佢讀得啱定錯，亦冇人幫佢糾正，睇嚟大家要學吓正音至得！