璟智憶述，廿幾年前流行過好Yeah嘅爆炸頭，佢都追上潮流去髮型屋電咗個，但後嚟覺得直髮好睇啲，於是又拉番直把長頭髮。呢個時候麻煩嘢就出現嘞，璟智話，把長頭髮會阻礙書寫，食嘢嗰陣，把頭髮又同佢爭食，起初試過用噴髮膠定形，但因為含化學物質太傷頭髮，最後決定用頭箍，於是一戴就廿幾年，從此變成「頭箍小姐」，屋企收藏嘅頭箍多到數唔晒。

兔毛頸巾當頭箍

行政會議尋日舉行每月一度嘅「星期四午宴」（Thursday Lunch），有份赴會嘅璟智令人眼前一亮，遠睇好似戴住一頂深藍色嘅蒙古帽，但近睇原來係一條類似狐狸尾巴嘅兔毛頸巾，原來係朋友喺加拿大買回港送畀佢嘅手信，璟智變戲法，將條頸巾戴上頭上當頭箍；由於頸巾附有魔術貼，戴上頭一黐就搞掂，變成新款頭箍。咁高難度都玩到，璟智不愧為「頭箍小姐」！

卓妮