「源」取自河流根頭，以天圓地方、禪、佛、道等哲學滲透入服飾之中，設計不但具中國傳統特色，由於用料上乘，除咗貴價絲綢質料外，仲有令立立嘅黑膠綢，一件服裝要數千至過萬元不等。

啱身舒服 大方得體

甘老闆之所以鍾情「源」，因為覺得啲衫着起嚟啱身又舒服，雖然款式設計簡約，但依然大方得體。

「源」每逢返新貨，遇啱有甘老闆嘅喜好及尺碼，店員就即時通知甘老闆去睇貨，通常一個月會買兩套衫。如果現貨唔啱身又點呢？「源」會提供度身訂造，先為客人製造一件樣辦，試到啱身才用真正布料去做，如果客人身材無變嘅話，往後只要揀啱布料就可以落「柯打」造新衫，十分方便。

卓妮