雖然「心連心」成員只有十幾位，但加上成員背後嘅家庭真係唔講得笑，拖男帶女竟變出幾十人，筵開四席先至夠坐。參加派對有「精英大師」馬主施雅治與太太Betty、前警務處副處長黃燦光夫婦、藍義方夫人、彭徐美雲與夫婿及兒子、張淦庭夫人、招佩誼、練馬師告東尼與太太Pauline等，當然仲有搞手孫太同丈夫孫公啦！

大家開Ball前先嚟一場雀局，之後開飯、唱歌至倒數迎接新年來臨。當踏正凌晨零時，大家舉杯，情緒高漲，就連平日一貫表情嚴肅嘅孫公都玩到好High，戴埋紙製紳士帽同孫太大跳土風舞，相當搞笑。新年新希望，孫公與孫太特別祝願港人今年身體健康，新年進步。