年逾六十的張伯已領取綜援多年，以往社署會在每月中旬將綜援金連同租金津貼一併存入名下戶口。自○七年六月起社署實施新政策，每月直接為綜援戶向房署繳交租金，張伯自此便毋須為交租而煩惱，「一直都冇事，點知近排房署突然話我欠租，要追番我三百六十蚊，有冇搞錯！」

受房署「指使」 擾民捱轟

張伯向房署查詢時，發現房署原來受社署「指使」，「佢哋話我之前喺月中出綜援，依家改喺一號出，所以有半個月（租金）差額，又話社署之前已經出咗畀我，所以要房署幫手攞番，我都唔明佢講乜！」

同樣被追收五百元租金「舊帳」的譚先生則狠批社署混亂，不滿社署無端為綜援戶添煩添亂，「都唔知點解咁亂，直接交租都交咗幾年，如果有問題，點解嗰陣時唔搞掂佢？」

社署發言人解釋，根據過去政策，二○○○年十月前申領綜援的受助人，該署會按領取綜援日期支付綜援金（付款月）。為改善發放綜援金日期不一的問題，由今年九月起，該署已將所有綜援個案統一於每月月首發放金額。因此，部分舊有按付款月領取援助金個案會在新制下出現租金差額。

發言人強調，房署現時向有關綜援戶追收的租金差額，屬社署早年已預支租金，受助人需向房署繳付有關差額；至於受助人每月所獲的援助金額，包括租金津貼等，一概未有減少。

「好多綜援人士啲錢都唔夠，突然要佢哋嘔番啲錢出嚟，真係唔易，但社署唔追番，又驚審計署會算番呢筆『爛帳』，都係兩難嘅事！」香港城市大學應用社會科學系副教授謝永齡認為，有關差額計算涉及複雜程式，一般綜援戶未必能理解箇中因由，社署追收款項時，有必要清楚解釋，免生爭拗。

遇問題靠拖 學者促檢討

至於推出新措施之前，謝亦指社署應先作周詳考慮，如在實施直接向房署支付受助人租金時一併處理，「房署喺月頭收租係人都知，啲問題冇理由拖到依家先解決，社署真係要檢討吓！」

■記者 梁少儀