話說今年五月，Simon去意大利旅行，當時飲咗隻叫Vinsanto嘅酒，呢個酒名有聖酒嘅意思，係專供神父喺喜慶日子飲用，要釀製十幾廿年先會入樽，當時Simon嘗咗第一口之後簡直係一試難忘，返到香港都仲對佢念念不忘，咁啱嗰陣要幫隻新馬改名，於是就將佢取名Vinsanto，因為Vinsanto味道類似Sherry酒之類，所以中文名就取為「甜酒」。

講番「甜酒」，佢喺澳洲出世，今年三歲大，十一月開始出賽，依家跑咗兩場，不過唔知係咪因為馬如其名，Sweet得滯，所以至今成績都係一般，仲未幫Simon贏支香檳返嚟，不過咁，Simon每次提起佢都甜絲絲，睇嚟上次嘅意大利之旅仍然令Simon相當回味。