本文重點
【本報訊】冬日美食嘉年華及香港冬季購物節昨日煞科，四日共吸引八十七萬人次進場及三億六千多萬元生意額，較去年增約三成半，但不少參展商說今年銷情不如往年，部分更要蝕本收場，展商趁昨日大肆割價促銷，有貨品更以「跳樓價」一折出售，務求「要錢唔要貨」省回運費，亦有大批市民趁完場前趕入會場「執平貨」。
「幾平都冇人買」
兩個展覽雖然人流暢旺，但有參展商認為旺丁不旺財，售賣海味的華昌藥材行負責人陳先生稱，今年銷情只等如往年五成，他歸咎人流少，因此趁昨日減價清貨，其中魚翅唇及花膠均「買二送一」，有店員坦言：「啲貨幾平都冇人買，價格仲平過上年兩成，可能完場前更會再減去貨。」
有出售紅酒的參展商要蝕本收場，負責人李小姐形容大多客人均是「試食」心態，貴價紅酒幾乎無人問津，每日僅售廿多支酒，昨日決定「出血價」二百元四支酒促銷，但反應仍不理想，「下年一定唔會參展。」有售賣精品的參展商亦稱生意較去年差，負責人霍先生將部分貨品以低於半價出售。