「很愛她亦很怕她」

昨晚九時許，季詩傑又在facebook留言交代事件：「各位有心。小弟情況OK，只係為她傷心！大家亦不要太怪責佢，我深信她不是存心傷害。我現在處於很困擾的心情。我很愛她亦很怕她。」季詩傑有學歷及被視為「醒目仔」，加上外形討好及口才了得，是女性心目中的「鑽石王老五」。據其友人透露，季人緣極佳，愛參加社交活動，故有不少朋友。跟季分屬老友的陶君行稱，季與Fannie拍拖逾一年，常一同出席朋友聚會，無懼在人前表現恩愛，季數月前參加補選及其他活動，女友都在旁支持，早前更結伴旅行。據他所知，季並無三角關係的感情轇轕。

陶嘆稱：「個女仔太緊張，成日都驚男友畀人搶走咗，如果季詩傑有第三者，就唔會連續幾日聖誕節都同女友一齊過，尋晚（前晚）佢媽咪仲煮飯畀佢兩個食，都冇嘢㗎！」而季的另一名政界好友張國鈞亦力撐：「Gavin以前拍拖都一個拍幾年，佢唔係花心嘅人！」