27/12/2009

播放本新聞相關短片

政情：林D9寸泛民唔係真英雄

民主派策動「五區總辭，變相公投」，揚言要藉此迫使港府喺政改問題上就範，好似承諾一刀切廢除功能組別咁。一向愛同泛民針鋒相對嘅政制及內地事務局局長林瑞麟，尋日喺電台節目中勁寸泛民，話我哋唔係喺一個烏托邦內搞政治，又叫人千祈咪以為硬闖先至係英雄，要喺現實限制中爭取最大空間，反而更需勇氣同毅力；即係揶揄泛民淨係識發白日夢，又成日霸王硬上弓，頂多只係一班假英雄，唔係真英雄！