紅磡街市地面至一樓的扶手電梯早前因故障停用，街坊林太指出，扶手電梯發生故障後數日，管理處才張貼通告，聲言至十二月底方完成維修，「呢區好多長者嚟買嘢，要佢哋日日咁行上行落真係好辛苦啫！點解整部電梯都要咁耐？」在街巿一樓經營的黃先生亦表示：「壞咗電梯，啲人懶得上嚟買嘢，搞到生意都少咗好多！」
食物環境衞生署發言人表示，機電工程署承辦商早前為上述扶手電梯作例行檢查時，發現電梯需作維修，故須暫停運作，而維修工作已於日前完成。
立法會民政事務委員會委員黃容根認為，食環署在事件中明顯有疏忽之處，未能以民為本，「應該事前喺當眼處貼通告，幾時做維修、幾時做完，等市民有個預算，而唔係喺電梯停咗幾日先貼通告！」
黃容根促食環署改善現有處事機制，減少對市民造成不便。