在政府高官高調做騷後，誰知僅一千五百多名兒童預約打針，政府只好宣布取消原先要求的預約打針安排，昨日起家長可帶同子女到十二間中心直接打豬流感疫苗。家長組織炮轟港府朝令夕改，政策進退失據。起初政府以為唔使錢自然客似雲來，要調動大批人手去幫手打針，於是取消中二至中七學生的體檢，其處事之粗疏叫人失笑。

好啦好啦，負責呢壇嘢嘅食物及衞生局局長周一鑊，呢頭高調做騷，言之鑿鑿話會密切注視疫苗注射嘅情況，嗰頭他已揮一揮肥壯的右手，由全港開始打豬流感疫苗嗰日開始放假至出年一月五日才回來！屆時，說不定豬流感未平，羊流感或Ｑ型流感又殺到！當然，周一鑊逍遙港外，眼不見為淨，乜都唔關佢事！

既然有「離岸特首」，自然有「離岸局長」。老朽想起一個滑稽場景：兩隻貓，各自站在自己的圈子裏不停走動，表現出很努力的樣子，自己的地盤也確實沒有一隻老鼠。其實，老鼠卻是在圓圈的外面跳舞呢。然而，這兩隻貓開始喝起慶功酒，一切似乎已經大功告成。

香港的管治水平何以提高不起來，不能像「芝麻開花節節高」，還不是把老鼠趕出自己的地盤，之後牠為禍播毒、胡作非為便與自己無關！