睇企鵝觀科研見大使

唔好以為一眾名人只係一心去極地睇企鵝，事關呢個係考察團，團友們除咗去了解有關南極洲嘅生態保護外，仲拜訪中國南極長城考察站，參觀中國考察隊嘅科研工作。

容永祺引述同行嘅上海政協常委胡曉明同全國人大代表羅范椒芬（Fanny）話，呢個團大大咁提高咗佢哋嘅環保意識，仲話覺得大自然力量好難抗衡，好欣賞所有動物嘅生存能力添。

名人南極團喺上星期六離開南極後，就坐船返阿根廷最南端嘅城市Ushuaia，漏夜搭飛機去阿根廷首都布宜諾斯艾利斯，特登去拜會一下中國駐阿根廷大使。

今次名人南極團又睇到南極嘅冰河同企鵝，又可以認識中國嘅極地科研，仲見埋中國駐阿根廷大使，可謂一次過滿足晒三個願望！

全國人大代表王英偉（右）同太太（中）欣賞南極飄雪。

團友話好欣賞企鵝嘅生存能力。