「我跌親 佢掛心」

高錕夫婦到瑞典領取諾貝爾物理學獎後，已經返回美國重過退休生活，二人日前接受本港傳媒訪問。在英國出生的高太憶述，家中重男輕女觀念根深柢固，父親在她十二歲時離世，母親又患有精神分裂，她年幼時受盡母親打鬧之苦，「每日就係返工、放工、畀阿媽鬧」，高太心中對母親存有恨意，從無試過被人愛錫，直至遇上高錕才改變她的一生。

一臉甜蜜的高太笑言，高錕年輕時幾靚仔，二人一見鍾情迅即投入愛河，在旁的高錕插嘴道：「應該係！」高太直言：「我都唔係好明，我跌親、唔開心，佢都（高錕）好掛心，我阿媽仲鬧我做咩咁唔小心，佢就問我邊度痛，我未見過咁樣。」

本身是電腦程式工程師的高太，本可闖一番事業，但她選擇跟隨高錕四處講解光纖技術，更不理母親反對毅然私奔，全因二人是對方的畢生至愛。

「我哋好多嘢傾」

高太說：「我哋好多嘢傾，佢唔開心我都唔開心……佢成日話，佢好似童話入面個王子，騎住隻馬嚟救我，等我有新生活」二人相知相愛轉眼五十多年。

好景不常，高錕自患上老人癡呆症後，記憶逐漸衰退，被問到會否擔心丈夫總有一天會忘記自己時，高太終忍不住掉下淚來，高錕縱然有口難言，仍極力安撫太太，看到丈夫對自己的愛護，高太拭乾眼淚，直言只希望珍惜相處的每分每刻。