18/12/2009

播放本新聞相關短片

政情：大輝話補選名單毋須協調

五區總辭嘅好戲仲未上演，各大政黨已磨拳擦掌爭上位，外界一直認為建制派遲早要就補選問題進行協調，但立法會議員林大輝尋日以廠商會政治事務委員會主席身份同法律界及會計界舉行交流午宴後，就大唱反調，話補選係千載難逢嘅好機會，對於有心漏夜趕科場嘅人士來講，不如排除萬難參加，如果要壓抑呢班「有心人」，好唔民主喎！大輝擺明做啦啦隊話：「出面流傳乜嘢協調，計我話自己想選咪選囉。」睇嚟一場補選戰，隨時亂過六國大封相！