原來佐洱本身係一個平凡教師，就喺文革後一個教師大會上，佢一個學生演繹咗佢嘅一篇獻辭，感動晒全場所有人，佐洱因而引起省領導層嘅注意，最後仲轉行投身新聞界。八七年九月，台灣《自立晚報》編輯同記者到訪大陸，佐洱負責接待，安排得非常得體，贏得各界欣賞。佢從此棄筆從政，加入港澳辦，喺關鍵時刻，見證咗香港同澳門回歸。

佐洱尋日好開心咁話，佢雖然只係喺學校教咗十年書，但一直好喜歡學校嘅氣氛，佢話自己熱愛做教師，係因為有多啲機會同年輕人相處，分享佢哋新鮮嘅思想，仲話近得佢哋多都冇咁易Out喎。