本文重點
如果衣着飾物可以反映性格，鄉議局主席劉皇發一隻錶戴足三十年，唔使問佢個人都係非常念舊。發叔手上戴住嗰隻白金手錶非常古典，原來係世界十大名錶之一嘅瑞士Audemars Piguet愛彼錶。
以前價錢夠買半層樓
發叔呢隻係白金表，鑲鑽嘅錶面加軟錶帶，成隻錶好薄。發叔話隻錶三十幾年前同已故莊士集團創辦人莊重文一齊買，盛惠每人三萬蚊，買錶嘅地點依家已經不存在。以三十年前嘅價錢，買一層樓都只不過要十萬八萬，兩隻錶嘅價錢差唔多買到一層樓，絕對係富貴錶。
發叔話三十幾年嚟，佢最鍾意、戴得最多嘅都係呢隻愛彼錶，咁因乜解究發叔對佢情有獨鍾呢？發叔就話鍾意佢夠低調，「唔沙塵」喎！呢樣嘢，係咪又反映佢嘅性格呢？
卓妮
卓妮