違例停泊不但造成阻塞，更會製造道路危機。將軍澳欣明苑居民林小姐指出，屋苑對出的欣景路設有上落客區，供校巴及小巴作短暫停留及上落客，但經常有其他車輛違例停泊，「好多時小巴同校巴都冇辦法用到上落客區，被迫喺馬路中心放低啲乘客，真係好危險！」林指儘管將軍澳警署毗連欣景路，但鮮見警員巡邏及執法。
警方發言人回應事件時，只透露過去三個月在上址共發出五十二張定額罰款告票。
「欣景路一帶都係禁區，淨係得嗰度可以上落客，違泊問題已經有一段日子！」當區區議員區能發表示，雖然警方有採取檢控行動，但作用不大，「如果有警察喺繁忙時間，企定定喺度抄牌可能都有啲阻嚇力，又或者可以喺附近減少雙黃線，改善吓交通！」
