李漢奸同淫賤黎聯手施壓，搞到自己一手創辦嘅民主黨雞毛鴨血，直至佢嘅多年戰友華叔同佢公開反目，發火踢爆兩人嘅驚天大陰謀，佢先至死死氣地改口話要「停一停、諗一諗」，呼籲各泛民黨派暫停對五區總辭嘅爭辯，仲要死死氣地話自己唔識政治。

點知話口未完，佢尋日接受電台訪問時，就繼續死撐總辭方案係一件好事，又話好多外國政府當年都有表態支持《中英聯合聲明》，相信佢哋信守承諾關注香港，擺明又係想勾結外部勢力，向中央及特區政府施壓。

李登輝上身砌白鴿黨

李柱銘過往嘅勾結外部勢力例子，真係多不勝數，遠嘅有公開為美軍轟炸中國駐南斯拉夫大使館辯護，近嘅有誠邀國際社會趁北京奧運向中國施壓。不過誠如好多泛民人士分析，依家中國嘅國力同十幾廿年前不可同日而語，歐美會否為咗香港呢個彈丸之地、為咗李柱銘和「民主阿婆」陳方安生等過氣政客嘅要求而得罪中央政府，答案早已寫咗喺幅牆度，李柱銘係咪喺度發白日夢就真係唔知嘞！

李柱銘對外就成日勾結外國勢力向中國施壓，對內亦經常勾結啲黨外人士狂砌自己個黨，包括喺○○年同○七年兩度㩒低民主黨嘅港島區第二梯隊甘乃威，力撐公文袋余若薇同陳太參加補選，令白鴿黨嘅選票大量流失，因而被冠以與「李漢奸」不相伯仲嘅「香港李登輝」外號。

民主黨日前已經決定不但唔會派人參與總辭，連幫手拉票助選都唔會做，但李柱銘尋日被問及呢個問題時，仍然詐唔知話即使民主黨唔參與，佢都會幫其他黨派嘅候選人站台拉票。

睇嚟佢除咗計劃再做漢奸之外，亦準備好再「李登輝上身」，誓要民主黨永不超生先肯罷休。