旅遊事務專員方舜文上任不足一年突然跳槽，引來好多揣測，計卓妮話，打工最緊要識得在工作中發掘樂趣，好似前旅遊事務專員「頭箍小姐」區璟智咁，在任兩年半就搜羅到好多地道美食。聞說她周末、周日都會拖住任職銀行界嘅老公外出散步，通常會由灣仔半山寓所出發，經合和中心十七樓搭
落皇后大道東，到附近逛街搵嘢食。
落皇后大道東，到附近逛街搵嘢食。
璟智與老公好鍾意食麵，經常幫襯皇后大道東一百五十七號間「合興潮州魚蛋粉」，璟智最愛牛雜魚麵，佢老公就愛淨牛腩，每月起碼幫襯四至五次，迄今幫襯咗六至七年，所以同麵店嘅陳老闆相當熟落，估唔到璟智着衫鍾情日本ISSEY MIYAKE同意大利MOSCHINO，又經常出入高級食肆，但都有平民化一面。據講呢間麵舖好多高官同藝人幫襯，但陳老闆絕少與名人合照，唔想打擾客人。
卓妮