今年八月下旬，阿DICK從友人口中得悉西林寺正接受內部認購，鑑於該寺位處沙田站附近，交通便捷，遂決定購買十七個龕位，當中六個屬「頂級」的八萬八千元貴價位，其餘由二萬至六萬元不等，每個位另須付六千元永久管理費。他付三成首期後，餘款分卅六期供款，每月供款達二萬五千元。

「咁遲先做嘢　政府靠害」

面對月底供款期將至，阿DICK擔心西林寺一旦與政府「開戰」，訴訟或拖延一年半載，期間除可能無法要求退款外，更要繼續供款。他說，購買前曾向西林寺查詢骨灰位合法性，一直獲覆合法，「佢仲話沙田地政處就喺西林寺附近，如果西林寺唔合法一早掃咗啦，估唔到地政總署咁遲先做嘢，市民又畀咗錢喇，點算？」

鄭先生於上周當西林寺被指涉嫌違規經營的同一天，以七萬元向沙田孝思園購買兩個龕位。鄭及後曾就私營龕位合法性向沙田地政處查詢，獲處方回覆孝思園屬違規經營，「始終骨灰位唔合法，就算安放咗祖先喺骨灰位我都唔安心，點解政府明知仲准佢賣，咁即係政府有心靠害！」