新填地街建材公司林立，每日貨物交收頻繁，同時亦衍生佔用行人路上落貨問題。陳小姐（化名）指出，上址行人路便長期堆滿磚頭與木板等建築材料，途人需左穿右插，更不時閃避「剷」上行人路上落貨的鏟車，「有時啲貨車仲用埋吊臂吊起啲貨，次次行過都驚畀啲嘢（建材）揼親！」陳多次向有關部門反映不果，「九年前搬嚟已經係咁，呢幾年仲愈嚟愈離譜，係咪我又可以霸晒成條街開檔都冇事？」
吊臂卸貨 險塌車壓途人
經常因前無去路而需「兜路返屋企」的華叔（化名）亦不滿政府部門從未正視問題，「（部門）啲人嚟一陣就走，轉頭咪又畀人擺過（貨）！」
華叔又指，多間建材公司近年索性在馬路旁入沙包，工人每次剷起沙泥入袋均會令到整條街道沙塵滾滾，「屋企一日抹幾次都唔掂！」
就現場所見，僅長約百多米的一段新填地街，有多部貨車正佔用公眾咪錶位卸貨，其中一部正在使用吊臂的貨車，卸貨時車身傾側至左胎離地兩、三呎，大有壓向行人路之勢。
本報分別向民政事務總署、地政總署、食物環境衞生署及警方查詢上址違規情況，各部門均未有就經年取締不力作正面回應，只稱已交由民政署統籌聯合行動。
當區區議員黃舒明狠批部門執法不力，令簡單的阻街問題變成「死症」。黃指問題癥結乃地政總署受政策所限，貼上告示後需提供時間讓佔地人移走貨物，變相縱容店舖將行人路闢作短期貨倉，加上食環署定時清洗街道，商舖亦可按時避開，「只要（部門）肯行前一步，好似唔定時洗街咁，就可以增加阻嚇作用啦！」長遠而言，黃則建議修改法例，如縮短地政總署設定的遷貨限期等，以提高執法效率。
議員斥僵化 促加重懲罰
「搞咁多年都解決唔到，好明顯係部門（處理）僵化！」立法會民政事務委員會委員王國興直斥部門未有對症下藥，建議對屢犯者加重懲罰，亦可考慮加建如花圃及欄杆等設施，美化環境同時又可防止行人路被佔用，但最重要還是部門間需摒除各自為政的陋習，才能徹底解決問題。
記者 王慧恩