15/11/2009

播放本新聞相關短片

政情：肥亨話早知唔入政府

前商務及經濟發展局局長馬時亨近日重返商界，出任中策集團主席，在社會上引起爭議，潮州怒漢詹培忠話佢說到底只係生意佬一名，有立法會議員就上綱上線，說甚麼官商勾結，肥亨尋日上電視重提做官感受，佢話在問責制下，即使無做錯都會照道歉：「孭（鑊）咪孭囉，做人有時就要蝕底吓㗎喇，跌低咪起身再做過囉！」對於重返商界引來批評，肥亨勞氣話，當年入政府一心想回饋社會，無諗過會遇到咁多批評；如果一早知道係咁，佢未必會選擇加入政府！