南蓮園池今年再次邀請台灣蘭庭崑劇團來演出，崑劇在○一年成為首批由聯合國教科文組織評選為「人類口述非物質文化遺產代表作」，向來鍾意中國戲曲嘅民政事務局副局長許曉暉及新世界中國主席鄭家純嘅得力助手紀文鳳都去咗欣賞。前晚劇團演出了三段折子戲，其中講風流才子趙汝舟與名妓謝素秋嘅愛情故事最吸引許副局長，佢坦言被演員功架所迷，當然旖旎的愛情情節亦能打動佢。

被叫錯名唔介意

南蓮園池是按中國傳統造園藝術建成嘅唐式庭園，近期熱爆嘅無綫劇集《宮心計》亦係以唐朝為背景，許副局長自言亦有收看，不過因為工作忙，所以不能集集追，對劇情不大留意，但劇中華麗服飾她卻印象深刻。

對於一眾副局長知名度奇低，她更被立會議員李永達叫錯做「許兆暉」，許副局長就話不介意，最緊要做好實事，早晚大家都會留意到她。

至於全晚忙於招呼賓客嘅高佩璇，篤信佛教多年，同牛仔褲大王楊釗追隨同一個師傅，雖然生意忙，但一有時間就到志蓮當義工，早前仲拉埋立法會議員梁劉柔芬一齊推廣喺南蓮園池演出嘅崑劇。