不過至今表明真係有計劃申請該兩幅地王，都係以本地大學佔多數。例如港大專業進修學院就住黃竹坑幅靚地，貪嗰度鄰近港大本部校園同興建中嘅南區港鐵站。公開大學校長梁智仁前日出席公大榮譽院士頒授儀式後，亦透露有意申請另一幅喺何文田嘅地皮，貪佢離公大現有校舍只有一分鐘路程。其實公大早喺半年前已經問緊政府攞該幅土地，點知最後就變咗公開招標。

如果政府最後都係將兩幅地王批晒畀啲外國野雞大學，隨時會好似早前嘅北九龍裁判法院事件咁，惹起本地大學同教育界人士反對。