巴士改道未有顧及巿民需要，引起不滿。家住坪洲的徐先生在黃竹坑工作，一直在中環碼頭巴士總站乘搭71號線上班，但早前發現總站突移至永和街，令徐大失預算，「碼頭冇咗71號，搞到啲人逼晒去坐91（號），一下逼唔到車就會遲大到！」
中區區議員鄭麗琼認為，在遷移總站後，巴士公司應監察實際情況，並作相應調配，「返工返學嘅時間梗係特別多人，冇咗一班車，啲市民有可能會遲到！」鄭建議可於資源許可下加開特別車以解決問題。
運輸署發言人表示，該署於八月中將71號總站由中環碼頭遷往永和街，並以循環線形式運作，藉以減少因中區交通阻塞而造成班次不穩。
城巴發言人則稱，上述改動已諮詢區議會及運輸署，而在繁忙時段內，現有巴士路線均能應付載客量。