加怡戴五十萬鑽勞

蔡太一襲紅色晚裝配上寶石耳環，派頭不在話下，蔡加怡行頭都唔小嘢，Arrogant Cat西裝褸、D&G褲配Stella McCartney鞋，手腕上戴咗隻價值五十萬元嘅Rolex手錶，加怡話手錶係爸爸一個月前送贈。呢隻Datejust Royal Pink以永恒玫瑰金鑄造，其外圈、錶盤及鏈帶均以鑽石細緻鑲嵌，錶帶由魔鬼魚皮及橡膠製作，所以五十萬元真係物有所值㗎！

邱達昌三位千金艷壓全場，左起：邱詠賢、邱詠筠及邱詠麒。	蔡加怡月前獲父親贈送價值五十萬元嘅勞力士新款手錶。	蔡太李惠莉同孫明揚表演合唱情歌，蔡太嘅仔女加讚（左）及加怡（右）齊齊撐場。

至於邱達昌三位靚女千金，聽聞現年廿七歲嘅Winnie正與一名高官兒子蜜運中，但未知幾時拉埋天窗。Winnie現正全力經營Freshness Burger漢堡包店，搞得有聲有色，佢話成績較預期理想，現已有六、七間分店，稍後會喺澳門開分店，相信好快回本。至於二女Wendy就幫爸爸喺內地酒店做設計工作，而細女Josephine○六年大學畢業後做咗半年銀行，之後就主力喺爸爸間酒店做Operation工作。

卓妮