劉曉鋒昨日取得理工大學電子計算學系一級榮譽畢業，與另外兩位殘障學生趙志恒、鄭建慧一起接受師生熱烈祝賀。曉鋒患有肌肉萎縮症，八歲發病，十二歲起便需以輪椅代步，身體活動能力日差，及後更只餘下十根手指可活動，抄筆記、打字等原本是輕而易舉的動作，曉鋒要夾住筷子、一下一下輕按電腦鍵盤，比同學花多數倍時間，才能應付各樣功課及研究。
獲聘為電腦技術員
在高考考獲1A1B1C的曉鋒，升上大學後發現自己很多方面都跟不上，「讀大學就好似食自助餐咁，要自己去搵資料，唔似讀中學死背就得」，故下課後便找教授問個不停，晚上回家挑燈夜讀，最終愈戰愈勇，今年更代表理大參加泛珠三角大學生計算機作品賽並勇奪金獎。曉鋒畢業後，已獲理大聘請為電腦技術員。
曉鋒固然有無比毅力克服學習上的困難，但支持他的劉媽媽更是功不可沒，她付出的絕不比曉鋒少。劉媽媽道出照顧愛兒的點滴:「佢嘅身體愈嚟愈差，我哋唔會請工人，佢太瘦，驚工人唔小心整親佢會甩骹，我自己一日仲郁得到，一定會悉心照顧佢。」
憑着這信念，劉媽媽不分晝夜陪着兒子，每天清晨七時就與曉鋒由馬鞍山寓所乘火車到紅磡的理大。由於曉鋒有不少「天地堂」，大多在早上八時半上第一課，最後一課待至晚上十時才完結，在曉鋒身體狀況許可下，劉媽媽送兒子到課室後就自己閱報看電視打發時間，至下課時就接兒子回家。
醫生話最多得20歲
曉鋒做功課時，劉媽媽會在旁協助，「趕project時要凌晨四、五點先瞓，就好似食飯咁平常」；即使勉強入睡，劉媽媽亦要「醒瞓」，因兒子不時會感到不適，她要隨時候命為兒子轉身、掃背，但她從不埋怨：「我都係好普通嘅家庭主婦，照顧仔女係我嘅責任！」
這天曉鋒完成兒時夢想大學畢業，最多謝的就是陪他跨過一個又一個難關的媽媽，「如果無咗媽咪，唔好話一級榮譽畢業，我連踏入校園都做唔到，由我出世到依家，好多謝媽咪嘅照顧！」聽到兒子愛的宣言，劉媽媽暖在心頭，但想到兒子面臨死亡愈來愈近，她百感交集：「醫生話佢最多得廿歲，佢今年廿五歲，已經好叻，我無咩期望，只想佢仲喺度嘅每一日都過得開心……。
■記者佘君儀